Këtë të diele, më 5 nëntor, në hapësirën e shkollës ‘Tefik Çanga’ në Ferizaj, nga ora 10:00 do të organizohet xhiro e fundit e Superligës së Kosovës.
Në kategorinë e meshkujve, ndeshje shumë interesante pritet të jetë ajo në mes ekipit ‘Lidhja e Prizrenit’, e cila tashmë e ka siguruar titullin e kampionit, dhe ‘Priping’, të cilët renditen në pozitën e dytë.
Ndeshje tjera mjaft interesante pritet të jenë ato në mes ‘Liria’ dhe ‘Prishtina’, si dhe ‘Ahmet Hoxha’ dhe ‘Dardania’, të cilat do të përcaktojnë renditjen përfundimtare të tabelës.
Edhe në kategorinë e femrave do të ketë disa ndeshje të cilat konsiderohen si derbi. ‘Ahmet Hoxha F’ kundër ‘Drita F’ pritet të jetë një ndeshje shumë interesante. Po ashtu, edhe ndeshja në mes ‘Ahmet Hoxha MK’ dhe ‘Lidhja e Prizrenit’ gjithashtu do të sjellë emocione të mëdha. /Kosovatimes/
