Një bastisje nga Zyra e Prokurorit të Specializuar ka ndodhur të mërkurën në mëngjes në shtëpinë e Ismail Sylës ish-këshilltar i ish-presidentit Hashim Thaçi, i cili po gjykohet nga Dhomat e Specializuara të Kosovës për krime të pretenduara lufte në Hagë të Holandës, raporton RTKlive.
Kanë vazhduar edhe sot bastisjet e Dhomave të Specializuara. Qysh në mëngjes, Specialja ka bastisur banesën e Ismail Sylës, ish-këshilltar i ish-presidentit Thaçi.
Ndërkaq, para dy ditësh dhe të martën, Specialja ka bastisur edhe disa shtëpi të tjera, të ish-këshilltarëve të ish-presidentit Hashim Thaçi, Bashkim Smakaj, Blerim Shala dhe Artan Behrami, si dhe të disa ish-ushtarëve të UÇK-së, ku edhe u ka konfiskuar materiale të ndryshme dhe telefona.
