Instituti i Mjëkësisë Ligjore ka njoftuar se operacionet fushorë që i kanë kryer sot në veri të Mitrovicës, nuk kanë të bëjnë me mbetje skeletore nga lufta e fundit.
Ky institut njofton se operacionet janë kryer në dy lokacione të ndryshme në këtë komunë.
“Me urdhëresë nga Prokurori i Shtetit, ekipet e Institutit për Mjekësi Ligjore, së bashku me kolegët nga EULEX-i, kanë marrë pjesë në operacionet fushore që nuk kanë të bëjnë me mbetje skeletore nga lufta e fundit”, thuhet në komunikatën e IML-së.
“Aktivitet fushore të realizuara në Veriun e Mitrovicës janë kryer në dy lokacione të ndryshme, mirëpo që kanë të bëjnë me të njëjtin rast”, thuhet tutje.
“Për hir të ndjeshmërisë së çështjes së të pagjeturve, edhe njëherë e potencojmë faktin se aktiviteti i sotëm fushor, nuk ka të bëjë me personat e zhdukur nga lufta e fundit 98-99”, shton në fund IML-ja. /Kosovatimes/
