Zëdhënësi i deritashëm i Komunës së Fushë Kosovës, Ali Topali, është emëruar drejtor i Drejtorisë së Kulturës, Rinisë dhe Sportit nga kryetari i Komunës së Fushë-Kosovës, Burim Berisha. Kjo u bë e ditur nga një postim në profilin e tij në facebook.
Ai u zotua se do të punoj i pa ndikuar, me përkushtim dhe me vullnet të plotë, duke dhënë mbështetje rinisë , sportistëve dhe artistëve.
“Jam i inkurajuar me rezultatet që keni arritur në të gjitha sportet. Unë me kapacitetet e mia dhe me ndihmën tuaj do të jem gjithmonë pranë jush duke iu ofruar bashkëpunim dhe përkrahje. Ju që keni jetën para, ju që keni kaluar e po kaloni nëpër sfida, por edhe nëpër rezultate të shumta. Ju inkurajoj dhe ju premtoj se bashkë do të bëjmë punë të mira për të ardhmen tonë, për qytetin tonë të dashur Fushë-Kosovën”, ka shkruar ai. /Kosovatimes/
