“Na trego cili është sekreti i pamjes tënde rinore”, e pyetën aktoren e njohur Demi Moore pasi ajo postoi dje një foto me bikini në Instagram. Ylli i Hollivudit është në top formë. Ajo mori një grusht komplimente. Bie në sy bukuria e saj dhe siç thonë ata – pamja e pabesueshme në moshën 60-vjeçare.
Demi Moore nuk e lë moshën ta mashtrojë. “Dukesh shkëlqyeshëm, je frymëzimi im” , ja prova që aktorja thyen paragjykimet se mund të dukesh kaq tërheqëse në pragun e dekadës së shtatë.
“Je tepër seksi”, “Dukesh bukur dhe e shëndetshme”, “Unë e dua Demin, ajo është në kulmin e saj dhe po kalon shumë mirë”, “Çfarë figure”, “Ajo duket vazhdimisht fantastike”, shkruanin komentuesit. Nuk ka pothuajse asnjë reagim negativ, përveç komenteve të herëpashershme se Demi Moore sot është më e hollë se kurrë më parë.
Para disa vitesh, Demi Moore tronditi publikun me “fytyrën e saj të botoksuar” , tani ajo duket shumë më natyrale dhe i kushton më shumë rëndësi stilit të veshjes se më parë, gjë që jep rezultate të shkëlqyera.
