Haki Abazi, deputet i pavarur në Kuvendin e Kosovës ka reaguar ndaj fjalimit të kryeministrit Kurti, në seancën e sotme parlamentare, duke vlerësuar si torturë.
“Nuk ka torturë më të madhe për qytetarët për të folur për kauzat e LVV-së, për demarkacionin, për Asociacionin, për Distribucionin, nga një njeri që ka qenë pjesë e këtyre marrëveshjeve”, deklaroi Abazi, duke referuar shefes së GP të LVV-së, Mimoza, Kusari-Lila.
Ai më tej shtroi një pyetje ndaj deputetëve të LVV-së se si quhet një gjë që në pikën 7 të marrëveshjes është vetmenaxhim e që është e ndërlidhur me pikën 10.
Deputeti Abazi më tej kritikoi qasjen e kryeministrit Kurti duke ia kujtuar cilësimet e tij për kryeministrat e dikurshëm si serbofilë, derisa shtroi pyetjen se çfarë ndihet ai tani.
