Autoritetet iraniane po refuzojnë të transferojnë aktivisten e të drejtave të njeriut dhe laureaten e Çmimit Nobel për Paqe, Narges Mohammadi, nga burgu në spital për shkak të refuzimit të saj për të veshur hixhabin. Bashkëshorti i Mohammadi Taghi Rahmani ka folur për këtë në një intervistë për Radio Farda.
Sipas tij, zyrtarët e burgut injoruan urdhrin e mjekut të burgut, i cili ekzaminoi Mohammadi-n dhe gjeti “presion kritik pulmonar dhe gjendje të keqe arteriale”, për ta transferuar urgjentisht në një spital civil për trajtim.
Më 1 nëntor, familja e Mohammadi-t raportoi një protestë që ajo dhe të burgosur të tjerë organizuan në burgun Evin për të protestuar kundër refuzimit për ta transferuar atë në një spital kardiak.
Narges Mohammadi u nderua me Çmimin Nobel të Paqes 2023 për “luftën e saj kundër shtypjes së grave në Iran dhe për promovimin e të drejtave të njeriut dhe lirive për të gjithë”.
Për vite me radhë, ajo ka shprehur kundërshtimin ndaj rregullit të detyrueshëm të hixhabit të vendosur ndaj grave iraniane, si dhe kufizimeve të të drejtave dhe lirive të grave në Iran.v
