Abu Hatab po mbulonte ngjarjet nga spitali Nasser në Khan Yunis dhe përfundoi raportimin një orë para sulmit në shtëpinë e tij.Një gazetar që punonte për kanalin televiziv të Autoritetit Palestinez u vra të enjten së bashku me dhjetë anëtarë të familjes së tij në një sulm ajror izraelit në shtëpinë e tij në Rripin jugor të Gazës.Gazetari dhe kolegu ynë Muhamed Abu Hatab dhe anëtarët e familjes së tij u vranë në një sulm ajror izraelit në të cilin u bombardua shtëpia e tij në Khan Yunis – njoftoi televizioni palestinez.
Sipas agjencisë zyrtare palestineze të lajmeve WAFA, Abu Hatab po mbulonte ngjarjet nga spitali Nasser në Khan Yunis dhe përfundoi raportimin një orë para sulmit në shtëpinë e tij.Të paktën 27 gazetarë janë vrarë në sulmet izraelite në Rripin e Gazës që nga 7 tetori, sipas Unionit të Gazetarëve Palestinez.
Sindikata njoftoi të mërkurën se një nga anëtarët e saj, Majd Fazl Arands, i cili punonte për uebsajtin Al-Jamahir, u vra gjatë një sulmi pranë shtëpisë së tij në kampin e refugjatëve Nusirat.
Ushtria izraelite ka zgjeruar sulmet ajrore dhe tokësore në Rripin e Gazës, i cili ka qenë nën sulme të pamëshirshme ajrore që kur grupi palestinez Hamas filloi një ofensivë të befasishme kundër Izraelit më 7 tetor.
