Inteligjenca artificiale (AI) mund t’i lë të gjithë njerëzit pa punë, tha njeriu më i pasur në botë, Elon Musk, në një ngjarje në selinë zyrtare të qeverisë britanike, Lancaster House, në Londër.
– Është e vështirë të thuash saktësisht se kur, por do të vijë një kohë kur nuk do të duhet punë. Ju mund të punoni për kënaqësi personale, por AI do të jetë në gjendje të bëjë gjithçka. Nuk e di nëse njerëzit ndihen mirë apo keq për këtë – tha Musk, sipas CNBC.
Musk e krahasoi inteligjencën artificiale me një xhind në shishe që plotëson çdo dëshirë pa kufi.
– Nuk ka kufi të pakuptimtë prej maksimumi tre dëshirash, dhe kjo është edhe e mirë edhe e keqe – theksoi njeriu më i pasur në botë.
Elon Musk beson se një nga sfidat kryesore për njerëzit në të ardhmen do të jetë gjetja e kuptimit të jetës.
