Gjatë qëndrimit në Singapor, presidentja e Kosovës, Vjosa Osmani ka zhvilluar një takim me princin William të Wales-it, me të cilin biseduan për bashkëpunimin ndërmjet Kosovës dhe Mbretërisë së Bashkuar.
“Kënaqësi të takoj sërish Princin William të Wales-it, në kuadër të ceremonisë Earthshot Prize në Singapor. Diskutimet tona u fokusuan në bashkëpunimin ndërmjet Kosovës dhe Mbretërisë së Bashkuar në tema si përkrahja e rinisë në projekte të agjendës së gjelbër si dhe në projekte për ndërgjegjësimin rreth çështjeve që lidhen me shëndetin mendor”, ka shkruar presidentja Osmani në Facebook.
Kujtojmë se presidentja Osmani ka marrë pjesë në ceremoninë e “Earthshot Prize” në Singapor, një nismë frymëzuese globale, e krijuar nga Princi William për t`i trajtuar disa nga sfidat mjedisore me të cilat përballet planeti ynë.
Më parë, presidentja kosovare mori pjesë në ceremoninë e Earthshot Prize, ndërsa gjatë ditës ka zhvilluar një takim të përbashkët të bizneseve nga Kosova e Singapori.
“Takimi i përbashkët i bizneseve nga Kosova e Singapori është hap premtues për rritjen e bashkëpunimit të ndërsjellë ndërmjet dy shteteve tona. Ishte angazhim që e morëm bashkë me palën singaporiane në qershor të vitit 2022 dhe e realizuam këtë javë, bashkë me kompani të suksesshme kosovare e kompani nga Singapori”,
