Presidentja e Kosovës, Vjosa Osmani, ka udhëtuar për në Finlandë. Përmes një njoftimi për medie bëhet e ditur se presidentja Osmani, me ftesë të qeverisë finlandeze, krahas krerëve shtetërorë nga vende të tjera të botës, do të marrë pjesë në varrimin e ish-presidentit të Finlandës dhe kryenegociatorit për statusin e Kosovës, Martti Ahtisaari.
Në delegacionin shtetëror të Presidentes do të jetë edhe ish-presidenti Fatmir Sejdiu.
Funerali i presidentit Ahtisaarit do të mbahet më 10 nëntor.
Kujtojmë se Martti Ahtisaari, ish-ndërmjetësuesi kryesor i Organizatës së Kombeve të Bashkuara (OKB) për zgjidhjen e statusit të Republikës së Kosovës, njëherësh ish-president i Finlandës, ka vdekur më 16.10. 2023, në moshën 86-vjeçare.
