Ushqimi i duhur është jashtëzakonisht i rëndësishëm për një jetë të shëndetshme dhe të gjatë dhe mjeku Peter D’Adamo pohon se ushqimet që hamë dhe nuk hamë duhet t’i përshtatim me grupin tonë të gjakut. Përveçse është e mirë për shëndetin tonë, një dietë e duhur mund t’ju ndihmojë gjithashtu të humbni kilogramët e tepërt , por është e rëndësishme të dini se cilat ushqime mund të konsumoni.
Grupi i gjakut 0
Dieta juaj duhet të bazohet në një konsum të lartë të proteinave, mishit pa yndyrë, produkteve të qumështit, peshkut, perimeve, bishtajoreve. Ushqimet e detit, algat e detit, mishi i kuq, brokoli, spinaqi dhe vaji i ullirit janë më të mirat për humbje peshe, ndërsa gruri, misri dhe produktet e qumështit duhen shmangur.
Grupi i gjakut A
Duhet të shmangni mishin dhe të zgjidhni një dietë vegjetariane me shumë bishtajore, fruta dhe perime dhe drithëra. Për humbje peshe, ushqimet e detit, perimet, ananasi, vaji i ullirit dhe soja janë më të mirat, por produktet e qumështit, gruri, misri dhe fasulet duhet të shmangen.
Grupi i gjakut B
Shmangni misrin, domatet, kikirikët dhe farat e susamit. Mishi i pulës gjithashtu mund të jetë një zgjedhje e keqe. Hani perime jeshile, vezë, mish të kuq dhe produkte qumështi me pak yndyrë. Për humbje peshe duhet të zgjidhni perimet jeshile, vezët dhe mëlçinë dhe të shmangni pulën, misrin, kikirikët dhe grurin.
Grupi i gjakut AB
Dieta juaj duhet të përfshijë tofu, ushqim deti, produkte qumështi dhe perime jeshile për shkak të më pak acidit në stomak. Shmangni kafeinën, alkoolin dhe mishrat e tymosur. Tofu, ushqimet e detit, perimet jeshile dhe alga deti janë më të mirat për humbje peshe, por mishi i pulës, misri, hikërrori dhe fasulet duhet të shmangen.
