Në Policinë Rajonale të Ferizajt gjatë javës që shkoi, janë raportuar 2 raste të dhunës në familje, prej tyre 1 rast në Ferizaj dhe 1 rast në Han të Elezit.
Në njoftimin për media nga Policia e Kosovës, thuhet se me vendim nga Prokuroria Themelore në Ferizaj 2 persona të dyshuar për dhunë në familje janë ndaluar në mbajtje për procedura tjera hetimore.
“Policia Rajonale e Ferizajt rastet e dhunës në familje i ka trajtuar në mënyrë profesionale nga policë primarë dhe hetuesit rajonal të Njësisë së Dhunës në Familje”, thuhet në njoftim.
Po ashtu, përmes këtij njoftimi, Policia apelon tek qytetarët që të raportojnë rastet e dhunës në familje dhe fton qytetarët që të bashkëpunojnë më policinë.
