Ministri i Infrastrukturës, Liburn Aliu, ka takuar shefen e Zyrës Ndërlidhëse të Republikës së Greqisë, Ambasadoren Heleni Vakali, të cilën e ka njoftuar me punën dhe angazhimin në Ministrinë e Mjedisit, Planifikimit Hapësinor dhe Infrastrukturës, dhe kanë diskutuar në përgjithësi mbi marrëdhëniet dy-paleshe në mes dy vendeve, si në nivelin politik, ashtu edhe atë ekonomik.
Në një postim në Facebook, Aliu ka shkruar se Ambasadores i ka uruar mirëseardhje, njëherazi edhe për detyrën e saj.
“Në frymën e thellimit të bashkëpunimit tonë, potencuam vullnetin e të dyja vendeve për çështje me interes të përbashkët, me ç’rast diskutuam për bashkëpunimin e ndërsjellë të mundshëm për projekte që do të ndikonin në përmirësimin e jetës së qytetarëve tanë, si dhe përkushtimin tonë që t’i zgjerojmë dhe intensifikojmë raportet në të gjitha fushat, në veçanti vendosjen e marrëdhënieve diplomatike”, ka shkruar Aliu.
