Familja më e madhe e njohur në botë ka 199 anëtarë që jetojnë nën të njëjtën çati në fshatin Baktawngu në shtetin Mizoram në Indinë verilindore.
Pu Ziona , patriarku i familjes, ndërroi jetë në vitin 2021 në moshën 76-vjeçare për shkak të komplikimeve nga hipertensioni dhe diabeti, por familja e tij ende ndajnë të njëjtin kompleks mbresëlënës që ai ndërtoi në kodrat e Baktawnga.Menjëherë pas vdekjes së Pu Zion, familjarët u përballën me ndryshime. Disa nga fëmijët e tij kanë krijuar familjet e tyre dhe numri aktual i anëtarëve është 199. Familja mblidhet dy herë në ditë në sallën e madhe të shtëpisë së tyre për të ngrënë së bashku, duke krijuar një foto që i ngjan më shumë një menseje se sa një dhomë ngrënieje familjare.
“Edhe pse ne duam të vazhdojmë trashëgiminë e Pu Zion, ne nuk jemi si ai. Ai u zgjodh nga Zoti, dhe ne jemi njerëz të zakonshëm dhe nuk mund të kemi më shumë gra”, tha së fundmi Record , një nga djemtë më të vegjël të Zionas.
Pavarësisht mënyrës tradicionale të jetesës, anëtarët e familjes mendojnë t’i dërgojnë fëmijët e tyre në vende ku ata mund të marrin një arsim më të mirë dhe të rrisin shanset e tyre për sukses në jetë. Një tjetër shtëpi po ndërtohet aktualisht në fshat për familjen në rritje, duke paralajmëruar fundin e periudhës së bashkëjetesës nën të njëjtën çati.
“Kisha e brezit të ri”
Pu Ziona udhëhoqi sektin e krishterë Chhuan Thar Kohhran (Kisha e Gjeneratës së Re) në shtetin e Mizoram, ku ai konsiderohej një “profet dhe i zgjedhuri i Zotit”. Komuniteti i tij fetar, i cili mbështet poligaminë, ka 2600 anëtarë, shumica e të cilëve jetojnë në Baktawng.
Pavarësisht vdekjes së Pu Zion, ndikimi i tij ndihet ende brenda komunitetit. Pikturat dhe portretet e tij dekorojnë shtëpinë e familjes dhe pasardhësit e tij vazhdojnë trashëgiminë e tij.
Të kujdesesh për një familje prej 199 anëtarësh, të sigurosh ushqim dhe veshmbathje, nuk është një detyrë e lehtë. Për fat të mirë, të gjithë anëtarët kontribuojnë në punën e fermave familjare, punë bujqësore dhe punojnë në katër zdrukthtari dhe një punishte alumini.
Edhe pse Nunparliana , djali i madh i Zionës, është i vetëdijshëm se tradita familjare e poligamisë mund të vdesë me të, sepse ai ka dy martesa, mbetet shpresa që kjo familje jashtëzakonisht e madhe të mbetet e bashkuar për shumë vite në vijim.
