Kryetari i Partisë Demokratike të Kosovës, Memli Krasniqi gjatë qëndrimit të tij në Bruksel është takuar me emisarin e BE-së për dialogun Kosovë-Serbi, Miroslav Lajçak.
Njëra prej temave të diskutuara ka qenë edhe draft-statuti i Asociacionit të Komunave me shumicë serbe.
“Edhe një herë, Emisarit Lajçak i ripërsërita qëndrimin tim dhe të PDK-së se statuti i Asociacionit duhet të jetë në pajtim me Kushtetutën dhe ligjet e Republikës së Kosovës, të mos krijojë një nivel të ri të pushtetit dhe të mos ketë kompetenca ekzekutive”, ka shkruar Krasniqi.
Krasniqi, po ashtu ka shkruar se i ka thënë Lajçakut që të ndikojë që Bashkimi Evropian të heqë sa më parë sanksionet e padrejta ndaj Republikës së Kosovës.
