Lidhja Demokratike e Kosovës ka organizuar tryezë, në të cilën ka diskutuar për projektbuxhetin e vitit 2024. Në këtë tryezë LDK ka ftuar krerë të sindikatave dhe të shoqërisë civile në vend.
Deputeti i LDK-së, Avdullah Hoti, tha se kur kanë qeverisur ata 36% e buxhetit është shpenzuar për investime kapitale.
Sipas tij edhe propozimi për rritjen e koeficientit për 5 euro për pagat publike, s’është reale.
“Këtë buxhet duhet ta analizojmë. Masivisht ka shkuar në subvencione. Një vit normal siç kemi qenë ne, 36 për qind është shpenzuar në investime kapitale ndërsa tani kemi rritje të subvencioneve”, deklaroi Hoti.
Kurse shefi i deputetëve të kësaj partie, Arben Gashi, tha se edhe ose jemi në vitin e fundit të kësaj Qeverie, por se nuk ka pasur asnjë projekt madhor zhvillimor.
