Policia e Kosovës ka njoftuar se ka arrestuar një burrë nga fshati Dobrajë e Madhe e Lipjanit, nën dyshimin se kishte sulmuar fizikisht një të mitur.
Sipas raportit 24-orësh i dyshuari ka sulmuar dje të miturën me pretekst se ajo ditë më parë kishte vjedhur disa gjësende nga marketi i tij.
“Është arrestuar i dyshuari mashkull kosovar pasi që i njëjti e kishte sulmuar fizikisht viktimën femër kosovare (e mitur), me pretekst se ajo ditë më parë kishte vjedhur disa gjësende nga marketi i tij”, thuhet ne raportin ditor policor.
Me vendim të prokurorit kujdestar, i dyshuari është dërguar në mbajtje.
