Shtetet e Bashkuara të Amerikës dhe Kina janë pajtuar që ta rinisin komunikimin ndërushtarak, si përpjekje për zbutjen e tensioneve, tha presidenti amerikan pas takimit me homologun kinez.
Pas takimit të shumëpritur mes presidentit të ShBA-s, Joe Biden dhe homologut të tij Kinez Xi Jinping, presidenti Amerikan tha se, mes tjerash, ShBA dhe Kina janë pajtuar të rinisin komunikimin ndër-ushtarak si tentim për zbutjen e tensioneve mes dy vendeve.
Gjithashtu është njoftuar se, pas takimit të parë mes dy udhëheqësve në më shumë se një vit, Biden dhe XI janë pajtuar të krijojnë një linjë të drejtpërdrejtë të komunikimit mes dy udhëheqësve.
Biden tha se mungesa e komunikimit është[ “ajo që shkakton aksidente” përderisa edhe pse presidenti Amerikan pranoi se ende ekzistojnë mosmarrëveshje, ai tha edhe se bisedat me Xi ka qenë biseda më konstruktive në një kohë të gjatë.
Edhe presidenti Kinez, foli për zbutjen e tensioneve duke thënë se “tani që dera e marrëdhënieve mes ShBA dhe Kinës është hapur përsëri, ajo nuk do të mund të mbyllët”
Biden dhe Xi janë pajtuar edhe rreth disa hapave tjerë që do të duhet të zbusin tensionet, siç është kontrolli më i madh kinez i transporteve ilegale të fentanyl-it dhe bashkëpunimi në fushën e kërkimeve rreth inteligjencës artificiale.
