Qëllimi i fushatës është promovimi i rolit dhe rëndësisë së punëtorit social dhe shërbimeve sociale për fëmijët dhe familjet në nevojë. Roli i punëtorit social në Kosovë është i një rëndësie të madhe për mirëqenien e qytetarëve të cenueshëm, veçanërisht të fëmijëve dhe familjeve në nevojë.
Në kuadrin e shërbimeve sociale të ofruara përmes institucioneve publike dhe organizatave jo qeveritare, punëtorët social luajnë rol të shumëfishtë për mbrojtjen e fëmijëve dhe familjeve. Punëtorët social ofrojnë shërbime sociale dhe familjare për fëmijët, familjet dhe qytetarët në nevojë, lehtësojnë qasjen në shërbime, veprojnë si ndërmjetës midis qytetarëve dhe shërbimeve sociale në dispozicion.
Në hapje të fushatës u shfaq një video vetëdijesuese, e cila paraqet rëndësinë e punëtorëve social për fëmijët dhe familjet e cenueshme. Gjatë ceremonisë së hapjes së fushatës, fjalë rasti patën: Donjeta Kelmendi, KOMF, Vlora Limani Hajnuni, Ministria e Drejtësisë , Nona Zicherman, UNICEF në Kosovë, Anna Toness, USAID ne Kosove, Blerim Shabani, Asociacioni i Qendrave për Punë Sociale Kosovë dhe Sebahate Beqiri, Bordi Drejtues KOMF.
KOMF përmes videos vetëdijesuese, ka për qëllim të shfaqë rëndësinë dhe ndikimin që kanë punëtorët social në jetën e fëmijëve dhe familjeve në nevojë për shërbime sociale.
Shpresojmë që ju mediat, si parterë kyç i KOMF, të na ndihmoni të përçojmë mesazhet për rëndësinë e shërbimeve sociale, përmes shpërndarjes së videos në mediumet ku ju punoni.
Linku për shkarkim të videos: https://we.tl/t-In3bo4iYhJ
Kjo fushatë mundësohet në kuadër të projektit “Fuqizimi i akterëve të shërbimeve sociale për të ofruar shërbime cilësore dhe të qëndrueshme për fëmijët dhe familjet e cenueshme në Kosovë”, mbështetur nga UNICEF në Kosovë në partneritet me USAID në Kosovë. /Kosovatimes/
