Bashkimi Evropian ka reaguar ndaj shqetësimeve të presidentit të Ukrainës, Volodymyr Zelensky, lidhur me tentimet e Rusisë që të shkaktojë konflikt në Ballkanin Perëndimor, në mënyrë që të shmanget vëmendja nga Ukraina. Këto qëndrime i konfirmoi zëdhënësi i Bashkimit Evropian, Peter Stano.
Bashkimi Evropian ka reaguar ndaj shqetësimeve të presidentit të Ukrainës, Volodymyr Zelensky, lidhur me tentimet e Rusisë që të shkaktojë konflikt në Ballkanin Perëndimor, në mënyrë që të shmanget vëmendja nga Ukraina. Këto qëndrime i konfirmoi zëdhënësi i Bashkimit Evropian, Peter Stano.
“Ne nuk i komentojmë informatat, të cilat i shkëmbejmë me partnerët. Sidomos jo kur është fjala për diçka specifike si kjo. Por, ne kemi informata dhe i kemi vëzhguar këto aktivitete të Rusisë për një kohë dhe jemi të vetëdijshëm se çfarë tenton të bëjë Rusia. Prandaj, jemi në kontakt me partnerët edhe në Ballkan për këtë”, ka theksuar Stano.
Stano ka tërhequr vërejtjen se ka kohë që Rusia po bën përpjekje për të ushtruar ndikim malinj edhe në rajonin e Ballkanit Perëndimor. Ky sipas tij, nuk është shqetësim i ri, por shqetësim që ekziston për një kohë.
Sipas tij, Rusia po bën gjithçka që mundet që të mbjellë pakënaqësi, jostabilitet politik, ndikim të huaj si dhe manipulim informatash. Kjo është arsye, shton Stani, përse Bashkimi Evropian ka shtuar ndihmën për partnerët në vendet e Ballkanit Perëndimor që të përballen me këto kërcënime.
Ndryshe, presidenti ukrainas, Volodymyr Zelensky, një ditë më herët ka deklaruar se Rusia synon të nisë luftë midis vendeve të Ballkanit. Pas Lindjes së Mese sipas Zelenskit, shpërqendrimi i dytë do të jetë Ballkani.
Ndikimi rus në rajon sipas zëdhënësit evropian ka qenë temë diskutimi edhe në takimin e të së hënës ku ministrat e jashtëm të BE-së u takuan me kolegët e tyre nga Ballkani Perëndimor.
