Dy shoqata për kafshët e shoqërimit të Kosovës dhe Shqipërisë kanë vendosur urën e bashkëpunimit në nivelin e binjakëzimit.
Kreu i KSAVA-“Kosovo Small Animal Veterinary Association”, Dardan Pozhegu dhe Ilir Kusi i “Albanian Veterinary Society” e shohin këtë si një mundësi të mrekullueshme për të ndarë dije, përvoja dhe burime me njëra-tjetrën.
Anëtari i KSAVA, Behar Zymberi, në një njoftim përmes profilit të tij në rrjetin social facebook tha se nëpërmjet këtij bashkëpunimi, shoqatat mund të mësojnë nga njëra-tjetra, të shkëmbejnë praktika të mira dhe të krijojnë lidhje të fortë dhe të qëndrueshme.
“Kjo sjell përparim dhe rritje për të gjitha palët pjesëmarrëse. Faleminderit për angazhimin tuaj në bashkëpunimin e tillë të vlefshëm dhe për kontributin që jepni në ndërtimin e një komuniteti të fortë dhe të bashkuar! Përkushtimi juaj ndaj vetëdijesimit dhe trajnimit të veterinerëve është shumë i çmuar. Duke ofruar trajnime dhe informacione të rëndësishme, ju ndihmoni të sigurohen kujdesi më i mirë dhe trajtimi i duhur për kafshët e shoqërim. Vlerësoj përpjekjet tuaja për të rritur nivelin e dijes dhe për të promovuar mirëqenien e kafshëve. Faleminderit për kontributin tuaj në fushën e veterinarisë dhe të kafshëve të shoqërim!”, ka shkruar ai. /Kosovatimes/
