jykata Ndërkombëtare e Drejtësisë (GJND) urdhëroi sot autoritetet e Azerbajxhanit të lejojnë armenët etnikë , të cilët u larguan nga Nagorno-Karabakh në shtator, të kthehen në atë zonë.
– Azerbajxhani duhet të sigurojë që personat që u larguan nga Nagorno-Karabakh pas 19 shtatorit 2023 dhe që dëshirojnë të kthehen në Nagorno-Karabakh, të jenë në gjendje ta bëjnë këtë në një mënyrë të sigurt, të qetë dhe të shpejtë – deklaroi presidenti i ICJ-së Joan Donoghue, raporton Reuters.
Autoritetet në Baku u urdhëruan të raportojnë në gjykatë në dy muaj nëse e kane zbatuar urdhrin. Vendimi erdhi pasi Azerbajxhani rimori rajonin e diskutueshëm të Nagorno-Karabakh në një ofensivë rrufe në shtator.
Veprimi ushtarak shkaktoi një eksod masiv të shumicës së 120,000 armenëve etnikë në Armeninë fqinje. Jerevani zyrtar ka akuzuar Azerbajxhanin për spastrim etnik dhe i ka kërkuar Gjykatës Ndërkombëtare të Drejtësisë të nxjerrë masa urgjente për të mbrojtur të drejtat e armenëve etnikë nga Nagorno-Karabakh.
Përveç kësaj, gjykata vendosi që Azerbajxhani duhet të sigurojë gjithashtu që të gjithë armenët etnikë që jetojnë ende në Nagorno-Karabakh “të çlirohen nga përdorimi i forcës ose frikësimi që mund t’i shtyjë ata të largohen”.
