Përfaqësuesit e së Majtës, Dmitar Apasiev dhe Borislav Krmov, në seancën e Kuvendit të Maqedonisë së Veriut ia kanë thyer kompjuterin kryetarit dhe e kanë goditur me fletë letre me admanët e tyre.
Televizioni Telma raportoi se kjo ka ndodhur pasi 87 deputetë nuk kanë pranuar kërkesën e së majtës që propozimi për Rregulloren e re të Kuvendit të tërhiqet nga diskutimi.
Apasiev dhe Krmov kanë dorëzuar 2461 amendamente për propozimin e Rregullores, për të cilat kryetari i Kuvendit, Talat Xhaferi tha se “nuk janë në rregull”, dhe deputetët u zemëruan.
Përfaqësuesi i së Majtës, Krmov, tha se seanca duhet të ndërpritet, se amendamentet e tyre nuk janë regjistruar administrativisht dhe kërkoi që të thuhet se në çfarë baze janë refuzuar në atë mënyrë.
Përderisa kryetari i Kuvendit Sobranja Xhaferi ishte jashtë sallës, Krmov i ka hedhur letra nga amendamenti nënkryetarit të Kuvendit Goran Misovski i cili e ka udhëhequr seancën, e ka thyer kompjuterin para tij dhe e ka hedhur në dysheme.Më pas, përfaqësuesi tjetër dhe lideri i së majtës, Dimitar Apasiev, iu bashkua Krmovit për t’i hedhur letrat Misovskit, ndërsa kryeparlamentari i Sobranja Xhaferi u kthye në sallë dhe e ndërpreu seancën, njoftojnë agjencitë.
