Ministria e Drejtësisë ka dalë me reagim zyrtar pas përfshirjes në zjarr të një zyre në kuadër të Institutit të Mjekësisë Ligjore.
“Zjarri është lokalizuar dhe për momentin nuk dihen shkaqet. Menjëherë pas pranimit të informacionit, ekipet e zjarrëfiksëve dhe policisë kanë shkuar në vend të ngjarjes. Zëvendësministri Sallahu është duke qëndruar po ashtu atje, për të kuptuar më shumë rreth situatës së krijuar”, thuhet në reagimin e MD-së.
Lajmin për RTK e ka konfirmuar edhe Ditor Haliti, ushtrues detyre i IML-së, ai ka thënë se zjarri duket se ka dal nga zyra e doktor Arsim Gerxhaliut dhe zyra e tij.
“Zjarri duket se ka dalë nga zyra e doktor Arsim Gerxhaliut dhe zyra ime”, ka thënë për RTK-në Ditor Haliti, ushtrues detyre i IML-se. Policia dhe hetuesia janë në vendin e ngjarjes”, ka thënë Haliti.
