Komisioni disiplinor ka marrë vendim që ta largojë nga shërbimi civil Nexhat Krasniqin, i cili është përfshirë në listën e zezë të Departamentit amerikan të Shtetit, ka konfirmuar ministri i Infrastrukturës, Liburn Aliu.
“Më datën 3 nëntor jemi njoftuar nga Departamenti i Shtetit që z. Krasniqi ka masë. Sot me vendim të Komisionit Disiplinor ai është hequr nga shërbimi civil”, tha Aliu në konferencë për media pas mbledhjes së Qeverisë.
Sipas tij, është një proces që ka shkuar sipas rregullave.
“Për deklarimin e ministres së Drejtësisë, e falënderoi atë që ka gjetur kohë të flasë për këtë çështje. Tash pas kësaj situate, po presim informata nga DASH-i dhe çfarëdo situate që shpie në diçka të dyshimtë, menjëherë do të kërkohet auditim”, ka theksuar Aliu.
Krasniqi ishte dërguar në komisionin disiplinor pasditen e së hënës.
