Prokuroria Speciale e Republikës së Kosovës (PSRK), ka ngritur aktakuzë në Gjykatën Themelore në Prishtinë – Departamentin Special, kundër dhjetë (10) të pandehurve, prej tyre tetë zyrtarë dhe dy qytetarë, në rastin e njohur si “Subvencioni IV”.
Prokuroria Speciale ka njoftuar se personat zyrtarë si të pandehur janë, tre zyrtar nga Agjencia për Zhvillimin e Bujqësisë në Prishtinë, tre zyrtarë të AZHB-së në Regjionin e Pejës, një zyrtarë nga Drejtoria për Bujqësi në Komunën e Istogut dhe një zyrtarë nga Drejtoria për Bujqësi në Komuna e Lipjanit.
Sipas kësaj prokurorie, për të pandehurit ekziston dyshimi i bazuar mirë se kanë kryer veprat penale: “Marrje ryshfeti’’, ‘’Ushtrimi i ndikimit”, “Ndihmë në veprën penale Marrje ryshfeti”, “Mashtrim në detyrë”, ”Dhënie ryshfetit”, si dhe “Mashtrim me subvencione”.
