Kryeministri Edi Rama iu është bashkuar reagimeve për ndarjen nga jeta të aktorit të njohur të humorit, Zef Deda.
Përmes një mesazhi, Rama i jep lamtumirën Dedës, i cili u nda nga jeta pas një sëmundje të rëndë.
“LAMTUMIRË i dashur Zef ”, shkruan Rama, ndërsa ka postuar dhe një foto të aktorit të ndjerë.
Kryetari i PD, Lulzim Basha, iu është bashkuar mesazhe ngushëlluese për ndarjen nga jeta të aktorit të madh Zef Deda.
Përmes një reagimi në rrjetet sociale, Basha thekson se Zef Deda mishëron një stil që do të mbetet i pavdekshëm.
“Mjeshtri i madh i humorit, që me talentin gjenial u dhuroi buzëqeshje shqiptarëve në kohë të mira e në kohë të vështira, si ato të diktaturës. Një humbje e madhe për artin shqiptar, për artëdashësit e në veçanti për Shkodrën, shpirtin e të cilës Zef Deda e mishëronte me një stil që do të mbetet i pavdekshëm. Ngushëllime të sinqerta familjes Deda, kolegëve, miqve dhe dashamirësve të shumtë të Zefit.
U prehtë në paqe!”, ka shkruar Basha.
Kreu i Partisë së Lirisë, Ilir Meta ka reaguar në lidhje me ndarjen nga jeta të aktorit të njohur shkodran, Zef Deda.
Përmes një mesazhi në ‘Facebook’, Meta thekson se kujtimi i Zef Dedës do të mbetet i përjetshëm në zemrat e të gjithë shqiptarëve.
Një humbje e madhe për humorin dhe artin shqiptar ndarja nga jeta e aktorit shumë të dashur për publikun, Zef Deda.
I shpreh ngushëllimet e mia të përzemërta familjes Deda.
Kujtimi i Zef Dedës do të mbetet i përjetshëm në zemrat e të gjithë shqiptarëve.
