Ish-politikani serb nga Vojvodina, Nenad Çanak ka ngritur alarmin për rrezikun e një konflikti të ri në Ballkanin Perëndimor, për çka ka argumentuar me armatosjen e grupeve serbe përmes Kishës Ortodokse Serbe.
Në platformën X, Çanak ka shkruar se shtetet ku po hyn armatimi janë Bosnja e Hercegovina, Kosova dhe Mali i Zi, ndërsa ka shtuar se tanket e ish-Armatës Popullore të Jugosllavisë janë llamba e Kishës së Serbisë
“Në Bosnjë dhe Hercegovinë, kontrabanda e armëve për kampet terroriste ruse të Dodikut kalon përmes Kishës Ortodokse Serbe. Në Kosovë i gjithë terrorizmi dhe armatimi “patriotik” kalon përmes KOS-it. Në Malin e Zi janë të armatosur deri në dhëmbë, zgjedhjet blihen përmes kishës. Tanket e ish-Armatës Popullore të Jugosllavisë në vitin 1991 janë sot llamba e Kishës së Serbisë. Jo mirë”, ka shkruar ai në platformën X.
