Të paktën 20 dronë u rrëzuan mbi rajonet qendrore të Rusisë të dielën mbrëma. Sipas Ministrisë së Mbrojtjes , rajonet e Moskës, Tula, Kaluga, Smolensk dhe Bryansk u sulmuan nga dronë.
Në Tula, një dron u përplas me një pallat, duke dëmtuar një ballkon dhe duke thyer disa xhama. Tre persona u prenë nga copa xhami.
Sipas kanalit telegram Shot, janë evakuuar 60 banorë të hyrjes ku ndodhet banesa e dëmtuar. Ata u vendosën në një hotel dhe një kopsht fëmijësh.
Ushtria e Ukrainës shkatërroi tetë nga nëntë dronët e lëshuar nga Rusia mbrëmë, dhe Moska njoftoi se mbrojtja e saj kishte parandaluar një sulm nga njëzet dronë mbi rajonet ruse. Deri më tani, shërbimet ushtarake ukrainase nuk kanë lëshuar raporte për dëmet ose mbetjet e dronëve që rrëzuan.
Sulmi u krye nga juglindja, një ditë pas sulmit më të madh rus me dron që nga fillimi i luftës. Ukraina ka paralajmëruar se Rusia do të synojë përsëri infrastrukturën kritike civile me afrimin e dimrit, siç bëri vitin e kaluar duke shkatërruar instalimet dhe duke e lënë popullsinë pa energji elektrike dhe ngrohje. Kievi, kryeqyteti i Ukrainës, u sulmua dje nga 70 dronë rusë, ku mbetën të plagosur pesë persona, mes tyre edhe një vajzë njëmbëdhjetëvjeçare. Ky sulm më masiv me dron u krye nga Moska në ditën kur Ukraina po festonte 90-vjetorin e Urisë së Madhe, një zi buke e shkaktuar artificialisht nga e cila qeveria e atëhershme sovjetike, e dominuar nga Rusia, vrau miliona ukrainas.
Rusia tha se kishte penguar një sulm të madh nga dronët ukrainas mbi disa zona, të paktën 20 prej tyre.Ministria ruse e Mbrojtjes tha se kishte rrëzuar dronët ukrainas mbi rajonet e Moskës, Tula, Kaluga dhe Brynsk. Një person u plagos në Tula kur një dron i përgjuar goditi një ndërtesë banimi, tha guvernatori i atij rajoni, Alexei Dyumin .
Një sulm masiv me dronë është tentuar gjatë natës, shkroi kryebashkiaku i Moskës, Sergey Sobyanin . Gazeta ukrainase Kommersant raportoi se fluturimet nga aeroportet kryesore të Moskës u vonuan ose u anuluan për shkak të sulmeve me dron.
Një video e zjarrit në Moskë është publikuar në rrjetet sociale.
Kryebashkiaku i Moskës Sergei Sobyanin tha se objektivi i dronëve ishte Moska. Aeroportet e Moskës Domodedovo dhe Vnukovo pezulluan operacionet për disa kohë .
Ministria ruse e Mbrojtjes i quan sulmet me dron “një përpjekje e regjimit të Kievit për të kryer një sulm terrorist”. Pala ukrainase nuk komenton ngjarjen.
Large Ukrainian drone attack on Russia this morning, with explosions and intercepts reported in Moscow, Bryansk, Tula, and Kaluga.
Seen here, a Ukrainian one-way attack drone flying over the Russian city of Tula this morning, pic.twitter.com/9xlftZ5jKK
— OSINTtechnical (@Osinttechnical) November 26, 2023
