Deputetët e LDK-së, Avdullah Hoti dhe Driton Selmanaj, të martën kanë zhvilluar një takim me përfaqësuesin special të Shteteve të Bashkuara të Amerikës për Ballkanin Perëndimor, Gabriel Escobar.
Takimi ka pasur një theks të veçantë për sfidat që Kosova po përballet gjatë procesit të dialogut me Serbinë, ka njoftuar deputeti Hoti, përmes një postimi në Facebook.
Ish-kryeministri i Kosovës, Avdullah Hoti, ka theksuar rëndësinë e bashkëpunimit të ngushtë me SHBA-të, duke e vlerësuar atë si rrugën e vetme që mund të garantojë një epilog të suksesshëm për çdo proces të Kosovës, ka shkruar ish-kryeministri i Hoti.
Hoti ndër të tjera ka thënë se miqësia e ndërtuar me Shtetet e Bashkuara të Amerikës është bekim për Kosovën dhe shqiptarët në përgjithësi.
