Ka vdekur një person në Prishtinë, i cili është sulmuar me armë të ftohë. Policia ka bërë të ditur se viktima nuk ka arritur të përballoj plagët dhe i njëjti ka ndërruar jetë në QKUK.
Policia e Kosovës ka bërë të ditur se rreth orës 22:00, ka marrë informatën për një lëndim të rëndë trupor, në rrugën “Ali Vitia”, në Prishtinë.
Sipas njoftimit, në vendin e ngjarjes kanë dalë njësitet e nevojshme policore.
“Bazuar në të dhënat fillestare, dyshohet se nga arma e ftohtë (thikë) lëndime të rënda trupore, ka pësuar një person, i cili është dërguar për tretman mjekësor, në QKUK, nga ku jemi njoftuar se personi i lënduar nuk ka arritur të përballoj plagët dhe i njëjti ka ndërruar jetë. Aktualisht hetuesit policor, në koordinim me prokurorin e shtetit, janë në kërkim të personit të dyshuarit ( i identifikuar) si dhe kanë nisë hetim për ndriçimin, sqarimin e të gjitha rrethanave që kanë të bëjnë me këtë ngjarje”, ka theksuar për RTK, Flora Ahmeti, zëdhënëse në Policinë e Rajonit të Prishtinës.
