Sekretari i Përgjithshëm i NATO-s, Jens Stoltenberg tha sot se i tha presidentit turk Rexhep Tajip Erdogan se ka ardhur koha për të lejuar Suedinë të bëhet anëtare e aleancës ushtarake.
Stoltenberg tha se në margjinat e samitit të klimës COP28 në Dubai, ai i kërkoi Erdoganit të miratonte ofertën e Suedisë për t’u bashkuar me NATO-n.
“Unë u takova me Presidentin Erdogan këtë mëngjes dhe përsërita mesazhin tim se ka ardhur koha për të finalizuar procesin e pranimit të Suedisë,” tha ai.
Stoltenberg nuk tha se kur pret që procesi i ratifikimit të përfundojë.
“Nuk mund të them datën e saktë, por mirëpres faktin që vetëm pak javë më parë presidenti Erdogan dorëzoi dokumentet e ratifikimit në parlamentin turk”, tha kreu i NATO-s.
