Një person është gjetur i vdekur në Gjilan. Policia ka theksuar se dyshohet se personi është hedhur në ujë tek penda e fshatit Livoç. Viktima ka qenë rreth 50 vjeç.
“Sot rreth 06:30 kemi pranuar informacion se një person dyshohet të ketë kryer vetëvrasje duke u hedhur në ujë tek penda e fshatit Livoç. Njësitet policore i janë përgjigjur menjëherë thirrjes, është njoftuar edhe emergjenca e spitalit të Gjilanit dhe njësiti i zjarrfikëseve. Nga vendi i ngjarjes raportohet se nga mjeku kujdestar është konstatuar se viktima mashkull i vitit të lindjes 1971 është pa shenja jete”, ka thënë policia.
Sipas policisë, njësitë policore kanë nisur hetimet për ndriçimin e rrethanave që kanë të bëjnë me rastin në koordinim me prokurorin e shtetit. Ndërsa, trupi i pajetë i viktimës është dërguar në Institutin e Mjekësisë Ligjore për obduksion.
