Asamblistet e Kuvendit të Ferizajt në sheshin e qytetit “Adem Jashari”, kanë bërë ndezjen e qirinjve në nderim të Liridona Ademajt, e cila u vra para tri ditësh në Sindoll të Prishtinës.
Asamblistja Mimoza Sojeva-Pajaziti, ka theksuar se kjo ngjarje simbolizon shenjën e fuqishme të solidaritetit për Liridonën, një grua e cila humbi jetën në një grabitje që synohet të jetë inskenuar nga bashkëshorti i saj.
“Gratë Asambleiste në Komunën e Ferizajt dënojnë ashpër aktin makabër të vrasjes së Liridona Ademajt. Qëndrojmë bashkë me familjen Ademaj! Qoftë rasti i fundit i vrasjes së gruas në vendin tonë! Prehu në paqe, Liridonë! “, ka shkruar ajo në Facebook. /Kosovatimes/
