Parlamenti danez ka ndaluar “trajtimin e pahijshëm” të teksteve fetare. Ata që shpërfillin ligjin e ri do të përballen me gjobë ose deri në dy vjet burg.
Miratimi i ligjit u shoqërua me debate të ashpra në parlamentin danez. Mendimet e ligjvënësve u ndanë: 94 pro, 77 kundër (ka 179 vende në parlamentin danez).
Mbështetësit e ligjit të ri thanë se disa ngjarje politike në të cilat u dogj Kurani para ambasadave të vendeve muslimane ndërlikuan marrëdhëniet e Danimarkës me botën myslimane dhe rritën rrezikun e sulmeve terroriste në vend.
Sipas policisë daneze, nga 21 korriku deri më 24 tetor të këtij viti, në Danimarkë janë regjistruar 483 raste të djegies së librave apo flamujve, raporton BBC .
Më 21 shtator, më shumë se 500 artistë dhe intelektualë danezë, duke përfshirë shkrimtarë, karikaturistë, aktorë, regjisorë dhe gazetarë, nënshkruan një peticion duke kërkuar tërheqjen e projektligjit, të cilin ata e panë si një “sulm ndaj artit, shprehjes politike dhe lirisë së shtypit. ” si dhe “një shoqëri e lirë dhe demokratike”.
Qeveria e koalicionit të qendrës së djathtë e udhëhequr nga kryeministrja Mette Frederiksen thotë se kritikat ndaj fesë nuk janë ndaluar dhe do të mbeten të ligjshme si më parë.
