Rogero ndoqi bandën e tre vetave pasi ata u larguan me orët dhe bizhuteritë. Në këtë proces, ai qëlloi Andrea Spinelli dhe Giuseppe Mazzarino, ndërsa i treti u plagos dhe më pas u arrestua.Gruaja e një argjendari italian të dënuar me 17 vjet burg për vrasjen e dy grabitësve ka zbuluar se familja po përballet me shkatërrim financiar pasi u urdhërua të paguajë një dëmshpërblim prej 300 mijë eurosh, raporton Daily Mail.
Mario Roggero (68) qëlloi dy banditë që hynë në dyqanin e tij të bizhuterive. Grabitësit mizorë lidhën vajzën e tij dhe kërcënuan se do të vrisnin gruan e tij Mariangela dhe drama u shpalos në prill 2021.
Rogero ndoqi bandën e tre vetave pasi ata u larguan me orët dhe bizhuteritë. Në këtë proces, ai qëlloi Andrea Spinelli dhe Giuseppe Mazzarino, ndërsa i treti u plagos dhe më pas u arrestua.
– Ky dënim është absurd. Krejt e pakuptueshme, tha Mariangela për televizionin italian, duke kundërshtuar dënimin e ashpër të gjyqtarit Alberto Giannone. Ajo beson se akti i burrit të saj ishte vetëmbrojtje.
– Tani duhet të mendojmë se si do ta paguajmë atë shumë të madhe, sepse përveçse do të shpallemi fajtorë, po përballemi edhe me falimentimin. Duhet të gjejmë 300 mijë euro për të paguar dëmshpërblim për familjet e viktimave. Na u desh të shisnim apartamentin që Mario trashëgoi nga nëna e tij dhe të merrnim një kredi nga banka, tha ajo.
– Duhet të tërheqim sa më shumë mbështetje. Nuk e di si do të vazhdojmë, përfundoi ajo.
Roggero u dënua në fillim të kësaj jave në një gjykatë në Asti, pranë Torinos, pasi u shpall fajtor për vrasjen e dy grabitësve në qytetin Grinzane Cavour. Prokurorët në fakt kishin kërkuar 14 vjet, por gjyqtari i dha tre vjet më shumë.
Kamerat e vëzhgimit kapën momentin dramatik kur argjendari i ndoqi grabitësit të armatosur me armë dhe i qëlloi për vdekje.
– Njerëzit na treguan kaq shumë mbështetje. Nuk jam në rrjete sociale, por nuk e di se si kanë mundur të na gjejnë kaq shumë njerëz dhe të na mbështesin, tha Mariangela.
– Deri më tani kemi mbledhur 11 mijë euro për të ndihmuar në pagesën e dëmshpërblimit, por jam i tmerruar kur shoh duke u zhdukur shumë vite punë. Ky dënim nuk është vetëm për Marion, por për të gjithë ne. Fëmijët dhe nipërit tanë do të paguajnë, tha ajo.
Edhe zëvendëskryeministri Matteo Salvini komentoi masën e gjobës , duke thënë se ajo ishte e tepruar.
– Kriminelët e vërtetë duhet të shkojnë në burg, jo njerëz si Mario, tha ai.
Gruaja e një argjendari të dënuar refuzoi ndihmën e politikanëve.
– Të them të drejtën, nuk besoj as tek ata, as në asnjë institucion. Drejtësia është në anën e kriminelëve, jo në anën e qytetarëve të ndershëm. Falënderoj ata që na mbështesin, por ndihem ende e pafuqishme dhe e zhgënjyer, tha ajo.
E pyetur se çfarë do t’i thoshte gjykatësit, Mariangela tha se mendon se ‘nuk e kanë kuptuar situatën, se kanë shqiptuar një dënim të rëndë që nuk është i përshtatshëm për këtë çështje.
– Mario qëlloi se u detyrua, nuk e kishte ndërmend ta bënte. Veproi në mënyrë instinktive, gjithçka që kishte në mendje ishte të mbronte familjen.
Familja synon të apelojë dënimin dhe vendimin.
