Deputeti i Lidhjes Demokratike të Kosovës, njëherësh ish-ministri i Shëndetësisë, Armend Zemaj, në konferencën e sotme për medie, tha se gjendja në shëndetësi vazhdon të përkeqësohet çdo ditë e më shumë.
Sipas Zemajt, kjo qeveri nëse shumë pak ka punuar në fusha të tjera, në shëndetësi nuk po ka punuar fare, as për sigurimet shëndetësore. Ai tha se Ministria e Shëndetësisë as shpenzimet e buxhetit të saj nuk i ka shfrytëzuar gjë që tregon papunën e tyre.
Sipas Zemajt, nuk ka asnjë strategji për shëndetësi, më shumë se 200 mjekë në vit po ikin dhe për ikjen e tyre nuk ka asnjë reagim nga qeveria.
“Për tri vite janë ndërruar tre ministra, nuk ka as një strategji në shëndet, më shumë se 200 mjekë po na ikin çdo vit, e për ikjen e tyre nuk ka asnjë reagim nga qeveria, nuk kemi asnjë investim kaptial, kemi ankesa të njëjta nga të gjitha odat profesionistëve shëndetësor”, ka thënë Zemaj.
Sipas tij as fondi shëndetësor të cilin e ka premtuar ministri Vitia që tri vjet nuk e është askund.
‘Kam informacione të sakta të konfirmuara që ky ligj është bartur për vitin e ardhshëm ashtu siç është bartur që tri vite me radhë. Domethënë prioritetet dhe premtimet që erdhën qeveria në pushtet tani po kalojnë në bartje në vitet e ardhshme”, shtoi ai.
Sipas Zemajt, nuk ka asnjë strategji për shëndetësi, më shumë se 200 mjekë në vit po ikin dhe për ikjen e tyre nuk ka asnjë reagim nga qeveria.
