Kryeministri i Kosovës, Albin Kurti, është takuar me kancelarin gjerman, Olaf Scholz, në Berlin, ku po merr pjesë në kongresin e Partisë Socialdemokrate të Gjermanisë (SPD).
Kurti, në një postim në platformën Instagram, shkruan se ende pa u bërë dy muaj prej takimit në Tiranë, kishte kënaqësi ta takoi kancelarin e Gjermanisë, tani në Berlin.
“Ende pa u bërë dy muaj prej takimit në Tiranë, u takuam përsëri, kësaj radhe në Berlin. Me Kancelarin e Gjermanisë, Olaf Scholz na bëjnë bashkë marrëdhëniet e forta bilaterale ndërmjet Kosovës dhe Gjermanisë, angazhimi ynë i përbashkët në Procesin e Berlinit dhe integrimin e Ballkanit Perëndimor në Bashkimin Evropian dhe bindjet tona socialdemokrate. Falënderues gjithmonë për mbështetjen dhe kontributin e Gjermanisë për vendin dhe republikën tonë”, shkruan Kurti.
