Kryeministri i Republikës së Kosovës, Albin Kurti, sot në mbledhjen e qeverisë ka folur për rangimin e Kosovës në testin PISA.
“Jemi të shqetësuar me rezultatet e testit PISA për vendin tonë, të cilat treguan për defekte strukturore e kronike të sistemit arsimor që shtrihen gjatë në të kaluarën e shoqërisë sonë dhe nuk do të mund të rregullohen përnjëherë e shpejt”, tha Kurti. Ai ka thënë se shkollimi është lidhur me arsimin dual, raporton RTKlive.
Kurti tha se si qeveri e re e një vendi të ri dhe me popullatë të re janë të përkushtuar për rininë.
Tutje tha se të hënën u bë e ditur se se Kosova është anëtarësuar në organizatën ndërkombëtare Shoqata Evropiane e Kartës Rinore (EYCA), ku të rinjtë e Kosovës do të kenë qasje në mbi 60,000 zbritje dhe benefite në transport, akomodim, kulturë, sport, arsim, shërbime dhe produkte kudo në Evropë.
Kurti po ashtu tha se sivjet kanë vendosur se për të gjithë fëmijët pa dallim të përfitojnë nga skema dhe shuma e përfitimit të jetë 100 euro.
