Kuzhinieri Niklas (27) punon në një hotel në Cuxhaven në Saksoninë e Ulët. Përgjegjës për melmesa, perimet, supat dhe gatimet vegjetariane, ai ka treguar në serialin ARD ‘Lohnt sich das’ (A ia vlen) se fiton 2700 euro bruto në muaj në një hotel me pesë yje.
“Puna ime si shef kuzhine është, do të thosha, shumë stresuese, sepse është kerkuese mendërisht dhe fizikisht. Pra, ke shumë stres dhe një pjesë të punës e merr me vete në shtëpi”, tha Niklas dhe theksoi se është mësuar të punojë gjatë pushimeve. “Pushimet nuk janë më diçka e veçantë për mua”, tha shefi i kuzhinës, i cili pavarësisht se e ka kënaqësinë e punës, thekson se ka vend për përmirësime, sidomos kur bëhet fjalë për pagën.
“Ende duhet të ndodhë shumë cka përpara se të jem i kënaqur, duke përfshirë edhe pagën”, tha ai. Nicklas merr 2,700 euro bruto në muaj, me jashtë orarit rritet në 2,790 euro, që përkthehet në një të ardhur neto prej 1,930 euro.
Problemet e Austrisë
“Ndihmes punonjësit në kuzhinë mund të fitojnë 1200-1300 euro, ndërsa serverët kanë rrogë 800-900 euro plus bakshish, që mesatarisht është ndërmjet 600 euro. Kamerierët zakonisht fitojnë nga 1000 deri në 1500 euro, por kur përfshihen bakshish mund të fitojnë deri në 3000 euro në muaj. Nëse restoranti është vërtet i mirë, kamerierët mund të fitojnë rreth 4000 euro. Banakierët paguhen nga 1300 deri në 1400 euro dhe me bakshish janë rreth 2000 euro në muaj”, tha ky shef kuzhine, duke shtuar se të gjithë punëtorët janë të regjistruar, por jo të gjithë e marrin pagën e plotë.
Problemi më i madh për hotelieristët vendas janë punëdhënësit e huaj, të cilët kërkojnë shefa me përvojë për të punuar në resortet austriake të skive gjatë sezonit të dimrit. Punëdhënësit në Austri ofrojnë paga nga 2000 deri në 2400 euro neto, me bonus Krishtlindjesh dhe pagesa pushimi, me akomodim dhe ushqim falas. Puna mund të jetë sezonale ose e përhershme. Kërkohet eksperiencë pune dhe njohuri të gjuhës gjermane ose angleze.
