Ministri i Punëve të Brendshme, Xhelal Sveçla, sot në një konferencë për media, ka paralajmëruar ashpërsim të masave ndaj shkelësve të ligjit në komunikacion.
Këto masa do të ndërmerren për shkak se kohët e fundit kanë humbur jetën disa persona në trafik, si pasojë e shpejtësisë.
Sipas tij, tij janë finalizuar amendamentet për ndryshim të ligjit për rregullat e trafikut, ku janë paraparë ashpërime të masave ndaj shkelësve të rregullave të komunikacion, dyfishim të gjobave, dyfishim të afateve kohore të konfiskimit të patentë shoferëve dhe të pikëve negative.
Ai ka kërkuar zbatim të ligjit në trafik nga Policia e Kosovës.
Policia e Kosovës, të njëjtit grup ia kishte parandaluar dy herë organizimin e garave të tilla. Siç tashmë është bërë publike në media, të njëjtit kanë pasur gjoba të njëpasnjëshme nga Policia e Kosovës për tejkalim shpejtësie dhe rrezikim në komunikacion, ndërsa njërit prej tyre i është konfiskuar patent-shoferi për tejkalim shpejtësie dhe filmim e publikim i këtyre garave”.
I pari i MPB-së, tha se 104 qytetarë kanë humbur jetën në aksidente, ndërsa Policia e Kosovës ka shqiptuar 76 gjoba ndaj personave që kanë organizuar gara të jashtëligjshme automobilistike.
Në mesin e masave të ndërmarra, Sveçla tha se “zyrtarët e trafikut janë pajisur me kamera trupore” dhe se janë futur në funksion “vetura me pajisje inteligjente për evidentimin elektronik të shkeljeve në komunikacion”.
Kurse drejtori Përgjithshëm të Policisë së Kosovës, Gazmend Hoxha, tha se Policia synon të pajiset edhe me radar statik.
Ai ka kërkuar të shtyhet Ligji që barra t’i bie pronarit të automjetit dhe jo shoferit.
