Në 24 orët e fundit, ushtria izraelite vrau 55 palestinezë në sulmet në qytetin Khan Younis në jug të Rripit të Gazës, raporton Anadolia.Sipas agjencisë zyrtare palestineze të lajmeve WAFA, ushtria izraelite vazhdon të sulmojë pjesë të ndryshme të Rripit të Gazës.
Në sulmet e kryera nga forcat izraelite në qytetin Khan Younis në jug të Gazës në 24 orët e fundit janë vrarë 55 palestinezë.Shumë palestinezë janë vrarë dhe plagosur për shkak të bombardimeve intensive të qytetit jugor të Gazës, Rafah.
Sulmet që synonin pjesët qendrore të Rripit të Gazës dhe rajonin Jabalia në veri shkaktuan gjithashtu vdekjen dhe plagosjen e shumë njerëzve.
Ekipet e mbrojtjes civile në veri të Rripit të Gazës kanë njoftuar se për shkak të bombardimeve intensive izraelite, nuk mund të arrijnë në zonën ku ndodhen të vdekurit dhe të plagosurit.
Më shumë se 20,000 palestinezë janë vrarë në sulmet izraelite që nga 7 tetori, sipas një deklarate nga Ministria e Shëndetësisë në Gaza të mërkurën.
Më shumë se 8,000 të vrarë në sulme ishin fëmijë, dhe 6,200 ishin gra. Rreth 52,600 palestinezë janë plagosur në sulmet e vazhdueshme izraelite. Në deklaratë thuhej se nën rrënoja janë rreth 6700 persona.
