Nënkryetarja e PDK-së, Vlora Çitaku, ka kritikuar kryeministrin Albin Kurti, i cili renditi shtatë pika përmes së cilave synon “normalizimin e Marrëdhënieve drejt vitit 2024” me Serbinë.
Çitaku ka theksuar se kjo mënyrë e hartimit të kushteve e të cilat s’po merren parasysh nga ndërmjetësit e bën Kurtin joserioz.
“Kryeministri Kurti i paska postu edhe nja 7 pika të reja: janë joserioze! Në fakt, ai vetë është joserioz. Një palaço jo-qesharak”, ka shkruar Çitaku.
Sipas saj, kryeministrin “s’po e merr askush seriozisht”, derisa tha se ai është vonuar dhe se për këtë qytetarët e Kosovës po i vuajnë pasojat. /Kosovatimes/
