Infermieri, Enlirat Duraku, një zë kritik në rrjetet sociale, thotë se ka marr kërcënime nga segmente të sindikatës së QKUK-së, pa apostrofuar emrat e veçantë.
Ai në një postim të radhës thotë se kësaj radhe dëshiron tua kursej sado pak dinjitetin duke mos përmendur emra.
“Duhet të kuptoni që në momentin që pranoni një funksion publik, siç është ajo e përfaqësuesit sindikal jeni subjekt që i nënshtroheni edhe lëvdatave dhe kritikave të opinionit apo edhe të atyre që përfaqësoni. Në rastin tim, mbështetur në bindjet e mia dhe realitetin kam zgjedhur kritikën si e drejtë e imja për të shprehur pakënaqësitë lidhur me punën dhe funksionimin e sindikatave”, shkruan Duraku.
Ai thotë se asgjë nuk ka personale me askënd, mirëpo pozicionale bazuar në statusin social dhe veprimtarinë publike të secilit që ka zgjedhë një funksion të tillë publik.
“Kritikat nuk duhen injoruar sepse ka mundësi që mësojmë diçka nga to.
Andaj, t’i dërgoni njëri-tjetrin foto, se shiko se çfarë ka thënë ky e ky, të nxisni urrejtje, të më telefononi duke u munduar të më frikësoni e kërcënoni, gjë që është e pamundur me ndodhë deri ne Kijamet, kjo nuk ju bënë dobi besoni”, tha ai.
Duraku pa apostrofuar emra rekomandoi autorin e kërcënimit të kryej punën e vet, të përfaqësoj drejtë, me sinqeritet dhe përgjegjësi morale interesat dhe kërkesat e anëtarësisë.
“Vetëm atëherë do keni lëvdata e atyre që përfaqësoni, ndërsa edhe lëvdatat e mia si pagues i kuotës mujore për përfaqësim sindikal”, thotë Duraku. /Kosovatimes/
