I gjithë Mali i Zi është mbuluar sot me të zeza pas një aksidenti trafiku ku humbën jetën katër persona në qytetin e Brezojevicës, në dalje të Plavës. Gjegjësisht në aksident trafiku janë përfshirë dy vetura, ku katër persona kanë humbur jetën.
– Trupat e dy personave, një burrë dhe një grua, janë sjellë në Qendrën Emergjente pas aksidentit. Është tentuar rianimimi, por gjithçka ka qenë e kotë – kanë thënë nga KBC Berane.Ndryshe, aksidenti trafiku ka ndodhur rreth orës 19:35, ku dy makina janë përplasur kokë më kokë. Viktimat ishin një çift i martuar nga Plava, një i ri i cili po ashtu është nga Plava dhe kameraman i RTV “Glas Plava”.
Dëshmitarët e këtij aksidenti fatal pohojnë se tragjedisë i ka paraprirë një dasmë në Rozhaje, të cilën njëri prej të ndjerit po e filmonte.
“Kur dasma është nisur në drejtim të Plavës dhe ka arritur në Brezojevic afër qytetit, derisa ai ishte duke filmuar kortezhin e dasmës, ka ndodhur një përplasje e drejtpërdrejtë, tha dëshmitari.
Ai pohon se makinat fluturuan në ajër pas shpërthimit të tmerrshëm dhe se një automjet fluturoi nën to.
