Ndërsa vazhdojnë protestat e forcave opozitare në Beograd të cilat kontestojnë zgjedhjet e fundit në Serbi, vetë reagimet e zyrtarëve serb por edhe atyre rus, duhet marrë si alarm për rrezikun që mund ti kanoset Kosovës, thekson Kosovatimes. Qeveria e Serbisë si gjithmonë për këto protesta tenton të gjejë elemente të “ndërhyrjes” te faktorë të jashtëm. Presidenti i Serbisë përballë një presioni të brendshëm, takon ambasadorin rus Harcenko për të treguar marrëdhënien vëllazërore. Menjëherë do të pasojë reagimi i presidentit rus Vladimir Putin i cili i dërgoi një letër urimi homologut të tin serb me rastin e festave të kërshëndellave duke u shprehur i kënaqur me zhvillimin e marrëdhënieve që po zhvillohen në frymë konstruktive. “Llogaris në vazhdimin e dialogut tonë dhe punën e përbashkët produktive në çështjet aktuale bilaterale, agjendës rajonale dhe ndërkombëtare”.
Disa deklarata të zyrtareve rus dhe serb, japin sinjal që siguria e Serbisë është në duart e shërbimeve ruse.Presidenti serb Aleksandar Vuçiq fillimisht konfirmoi se ndihma kishte mbërritur nga “shërbimet e huaja”. Në fjalën e tij, pas përshkallëzimit të protestave, ai tha se prej ditësh kanë paralajmëruar faktorin e huaj dhe se shumë janë bërë naivë dhe as nuk duan të dëgjojnë e shohin se çfarë po ndodh.
“Faleminderit atyre shërbimeve të huaja që e bënë të qartë se e dinin se çfarë po përgatitej dhe u dhanë informacion shërbimeve tona të inteligjencës, të cilat reaguan menjëherë dhe e dinin saktësisht se çfarë po përgatitnin”, tha Vuçiq.Shumë më konkrete ishte kryeministrja e Serbisë, Ana Brnabiq, e cila falënderoi shërbimin rus.
“Ndoshta nuk do të jetë e popullarizuar me ata nga Perëndimi, por ndihem veçanërisht sonte se është e rëndësishme të ngrihemi për Serbinë dhe të falënderojmë shërbimet ruse të sigurisë që e kishin atë informacion dhe e ndanë me ne,” tha Brnabiq.
Ndërkohë kanali Telegram i Orkestrës Wagner, i lidhur me atë grup paraushtarak, ka publikuar një postim me këtë temë.
Moska në rolin e një detektivi të “angazhuar” menjëherë hedh hipoteza të ndryshme madje në disa rastet të pakoordinuara lidhur me ngjarjet në Serbi duke i dhënë një karakter ndërhyrjeje të perëndimit për organizimin e një Majdani në Beograd.
Ndërsa ambasadori rus në Beograd Bocan-Kharchenko, si arsye të protestave në Beograd thotë se është qëndrimi i autoriteteve pasi nuk duan të vendosin sanksione ndaj Rusisë është arsyeja e demonstratave në Beograd.
Por ndryshe mendon, Elena Guskova nga Instituti i Studimeve Sllave i Akademisë së Shkencave Ruse e cila thotë se protestat në Beograd derisa Vuçiq të njohë “Kosovën”. “Trazirat në kryeqytetin serb financohen nga perëndimi me qëllim që Serbia të njohë pavarësinë e Kosovës në mënyrë që të anëtarësohet në BE dhe të vendosë sanksione ndaj Rusisë”, tha ajo.
Është interesant që në mënyrë të sinkronizuar dy publikime një në Russia Todey dhe tjetra në Standard të Serbisë merren me supozimin e eksodit nga 100 deri 150 mijë shqiptarëve për në vendet perëndimore nga 1 janari i vitit të ardhshëm. “Pyetja e vetme këtu është nëse muajt e ardhshëm me të ashtuquajturat 80, 90, 100 apo 150.000 shqiptarë të tjerë largohen nga Kosova”, shkruan RT. Ndërsa Standard përveç eksodit të shqiptarëve merret edhe me kritikat e shitjes së pronave nga ana e serbëve në rrethin e Gracanicës. Sikur këto dy publikime japin një mesazh në stilin e përgatitjes për ndonjë ndërhyrje në momentin e ekzodit të supozuar të shqiptarëve në vendet perëndimore.
Raportuesja e Parlamentit Evropian për Kosovën, Viola von Kramon, ka reaguar ndaj deklaratës së kryetarit të SSP-së, Dragan Gjilas, i cili deklaroi se huliganët që shkaktuan trazira në protestën e mbrëmshme para Kuvendit të qytetit kanë lidhje me regjimin.
Duke komentuar atë deklaratë në rrjetin social X, ajo deklaroi se do të përshtatej me ndërhyrjen ruse, transmeton Danas.
“Roli i tyre u bë më i spikatur pas Euromaidanit, ku u përfshinë në konflikte të shumta dhe akte dhune gjatë lëvizjes”, raporton Wikipedia.
“Kjo do të përshtatej gjithashtu me ndërhyrjen ruse. Tituski dhe ia atribuoi dhunën protestuesve. Agjentët provokatorë. Një libër klasik i KGB-së. Tani do të ishte e rëndësishme të ruash paqen nga të gjitha anët dhe të mos ndezim dhunë të mëtejshme”, shkroi von Kramon.
Të njëjtën kohë Kryetari i Asociacionit të afaristëve nga Gracanica Sasha Sekuliq tha se duhet alarmuar opinionin ndërkombëtarë dhe faktorë ndërkombëtarë në Prishtinë lidhur me vendimin për ndalimin e importit të mallrave serbe. Ata paralajmëruan protesta në pjesën veriore. “Duhet bërë presion ndaj Prishtinës që të shqyrtojë vendimin e saj, tha Sekulqi për Tanjug.
/Kosovatimes
