Të akuzuarve për sulmin në Banjskë u vazhdohet masa e paraburgimit

epa10883400 An armed Kosovo police officer gestures as they control the road near the village of Banjska, Kosovo, 26 September 2023. A Kosovo Albanian police officer on 24 September was killed by Serb gunmen, who later barricaded themselves in the XIV century Serbian Orthodox Banjska monastery and traded gunfire with Kosovo police for hours. The police regained control of the area late on 24 September. The incident comes at a fragile moment in the Kosovo - Serbia European Union-facilitated dialogue to normalize ties between the two parties. EPA-EFE/GEORGI LICOVSKI

Gjykata Themelore në Prishtinë ka marrë vendim që tre të akuzuarve për sulmin në Banjskë t’ua vazhdojë masën e paraburgimit edhe për dy muaj të tjerë.

Në njoftimin e Themelores, thuhet se të pandehurit do të mbahen në paraburgim deri më 24 shkurt të 2024-s.

“Pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale kundër të pandehurve D.M, B.S dhe V.T, Gjykata Themelore në Prishtinë – Departamenti Special ka aprovuar kërkesën e PSRK-së dhe tre të pandehurve iu ka vazhduar masën e paraburgimit në kohëzgjatje prej dy muaj, për secilin. Masa e paraburgimit të pandehurve iu është vazhduar nga data 24.12.2023 deri me datë 24.02.2024”, ka njoftuar për RTK, zëdhënësja e kësaj gjykate, Mirlinda Gashi.

Në tetor, Gjykata Themelore ua kishte vazhduar masën e paraburgimit tre të dyshuarve. Ata gjenden në paraburgim që nga shtatori.