Drejtori Ekzekutiv i Administratës Tatimore të Kosovës Ilir Murtezaj, ka mbajtur konferencën vjetore për media. Përmes kësaj konference i pari i ATK-së fillimisht falënderoj mediat për punën profesionale që kanë kryer duke informuar drejtë dhe saktë të gjitha zhvillimet e institucionit.
Ndërsa, Ministri i Financave, Punës dhe Transfereve Hekuran Murati, tha se është mbresëlënëse performanca e ATK-së, duke pas parasysh që është viti i 3 që kemi rritje dy shifrore të të hyrave. Arritjet e institucionit të ATK-së janë përtej planifikimeve ekonomike, për çka si ministri jemi duke ofruar mbështetje të madhe me thekës edhe në pjesën e Ligjit për administrimin e procedurave tatimore, i cili rregullon shumë segmente të këtij institucioni. Zt. Murati, po ashtu tha se reflektim i kësaj pune është edhe përmisimi në pjesën e ndjeshme siç është korrupsioni, evazioni tatimor dhe dukuri të tjera të cilat prekin integritetit e ATK-së.
Pas fjalës së ministrit Murati, drejtori i ATK-së para mediave ka prezantuar të hyrat e realizuara për këtë vit, ku sipas tij janë rritur mbi 120 mil.€ më shumë se një vit më parë. Përderisa, shtoj se fokus i theksuar këtë vit ka qenë rritja e mekanizmave dhe digjitalizimi i tyre në drejtim të raportimit të rasteve për keqpërdorim të detyrës zyrtare, si dhe aferave korruptive. Ai përmendi që në muajin e kaluar janë lansuar tri shërbime të reja elektronike, siç janë: udhëzuesi interaktiv, aplikacioni i denoncimeve, si dhe kalkulatori tatimor. Tutje, para mediave u prezantua efekti i monitorimit strikt të sektorëve me risk tatimor, siç është gastronomia ku të hyrat e inkasuar janë rritur për 27.2 milion euro, apo rreth 7 milion më shumë se viti i kaluar. Trajektorja e suksesit kap edhe pagesat nga këngëtaret, që është 2.7 milion euro nga 1.7 milion euro sa ishte në vitin 2022.
Drejtori theksoj se për të konfirmuar gjithë këtë përkushtim, patjetër duhet t’i përmendim vlerësimet nga faktori ndërkombëtar, siç është Raporti Progresit ku është vlerësuar lartë luftimi i evazionit fiskal dhe rritja e të hyrave në ATK-së, si dhe raporti i UNDP, në të cilin thuhet: se zvogëlohet perceptimi për prezencën e korrupsionit në ATK nga 35.30% sa ka qenë në maj 2019 në 21.20% në vitin 2023.
Krejt në fund drejtori i ATK-së ka falënderuar tatimpaguesit për përkushtimin e tyre në zbatimin e detyrimeve tatimore në mënyrë të përgjegjshme dhe efikase. Duke shprehur këtë falënderim, ai theksoi rëndësinë e kontributit të tyre në funksionimin e rregullt të sistemit tatimor, si dhe në sigurimin e burimeve për shërbime publike. /Kosovatimes/
