Kryeshefi i ATK-së, Ilir Murtezaj ka thënë se 842 milionë euro janë të hyrat e Administratës Tatimore të Kosovës për vitin 2023. Sipas tij, në krahasim me periudhën e njëjtë të vitit të kaluar, ka një rritje për 118 milionë euro apo 16 për qind.
Kryeshefi i ATK-së, Ilir Murtezaj në konferencën e fundit për këtë vit ka theksuare se kontributet pensionale janë 273 milionë euro, ndërsa së bashku me kontribute kapin shifrën e 1.1 miliardë euro.
“Viteve të fundit kemi kurorëzuar shumë suksese. Inkasimi i borxheve këtë vit është 163 milionë euro, ndërsa tatimi, ndëshkimi e i tërësi kapin shifrën e 529 milionë euro. Punë të madhe ATK-ja ka kryer edhe në luftën kundër evazionit tatimor”, ka deklaruar ai.
Sipas tij, gjatë këtij viti janë kryer 212 aktivitete për shmangie tatimore, 1 bastisje, 22 raste të hapura nën dyshimin e shmangies tatimore, 42 kallëzime penale, 76 raporte informuese për Prokurorinë e 14 aksione së bashku me institucionet tjera ligj zbatuese.
E sa i përket aktiviteteve përmbushëse, sipas tij, sivjet janë shqiptuar 715 gjoba për mallin pa origjinë në vlerë prej 4.9 milionë euro.
